Plantun de Prouvènço

Pèr coumpara dos planto d'encò nostre

Filipendula vulgaris & Panicum barbipulvinatum

Filipendula vulgaris

Rosaceae

Noms en français : Spirée filipendule, Filipendule commune.

Descripcioun :
L'erbo-dis-alauveto es uno planto un pau grandeto (30 à 60 cm) qu'au nostre vèn dins li blancaredo e li relarg un pau fres. Se recounèis à si flour generalamen di cinq petalo blanco e à si fueio penado emé 8 à 25 paréu de fuioun denta.

Usanço :
Ei pas uno planto di proun emplegado au nostre, pamens l'erbo-dis-alauveto èi manjadisso (jòuini fueio e flour). Li flour podon servi pèr perfuma, d'un biais agradiéu, lou la.

Port : Erbo
Taio : 30 à 100 cm
Fueio : coumpausado
Tipe bioulougico : Geoufite
Cicle bioulougico : Planto renadivo

Gènre : Filipendula
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Pelouso - Prado - Faio - Blachiero
Estànci : Subremediterran à Mountagnard
Couroulougi : Paleotemperado
Ref. sc. : Filipendula vulgaris Moench, 1794

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.